नवी दिल्ली – काही जण त्यांचा अहंकार, खोटेपणा, निराशावाद आणि अज्ञानावर आनंदी राहू शकतात. मात्र, लोकांनी त्यांच्या विभाजनकारी अजेंड्यापासून सावध असायला पाहिजे. कारण, त्यांची ७० वर्षांची सवय इतक्या सहजासहजी जाणार नाही, अशा शब्दांत पंतप्रधान नरेंद्र मोदी यांनी मंगळवारी विरोधकांना घेतला.
राजस्थान, मध्यप्रदेश आणि छत्तीसगडमध्ये भाजपाच्या विजयानंतर या बातमीत परिसंस्था तंत्राच्या माध्यमातून क्षेत्रीय विभाजनाला प्रोत्साहन देण्याचा आणि हिंदी भाषक राज्यांत मतदात्यांचा अपमान करण्याच्या कथित प्रयत्नांचा हवाला देण्यात आला होता. तेलंगणा विधानसभा निवडणुकीत विजय मिळाल्याने काँग्रेसला काही प्रमाणात दिलासा मिळाला आहे.
अहंकार, खोटेपणा, निराशावाद आणि अज्ञानामुळे ते आनंदी राहोत. मात्र, त्यांच्या फुटीरतावादी अजेंड्यापासून सावध राहा. ७० वर्षांची जुनी सवय इतक्या सहजासहजी सुटू शकत नाही. हेच शहाणपण आहे. लोकांचे हे शहाणपण आहे की, त्यांना पुढील अनेक संकटांसाठी तयार राहावे लागेल, असे नरेंद्र मोदी यांनी एक्सवरील पोस्टमध्ये म्हटले आहे. त्यांचे उत्तर आणि प्रतिक्रिया व्यक्त करताना समाज माध्यमावर इतक्या आक्रमकपणे पोस्ट टाकल्याचे सहजासहजी दिसून येत नाही. त्यांच्या या पोस्टमध्ये काही इमोजीही दिसून आले. पक्ष समाज माध्यमांवर प्रचाराची व्याप्ती वाढवत असल्याचे संकेत पंतप्रधानांच्या पोस्टमध्ये दिसून येत असल्याचे भाजपाच्या नेत्यांनी सांगितले.
एक्सवरील ही पोस्ट त्यांच्या स्वभावाला धरून नाही. ही पोस्ट अत्यंत आक्रमक तसेच विरोधकांच्या परिसंस्थेला थेट शिंगावर घेणारी आहे. मागील काही महिन्यांपासून समाज माध्यमांवरील भाजपाच्या मजकुरातही असेच घडत आहे. हा एक प्रचार आहे आणि त्यात आक्रमकपणा आहे, असे या नेत्याने सांगितले. कित्येक इन्स्टाग्राम रील्सला १५ लाखांपेक्षा जास्त व्ह्यूज मिळाले आहेत. तांत्रिकदृष्ट्या सक्षम फलंदाज फुलटॉस बॉलवर षट्कार ठोकतो, अशी नरेंद्र मोदी यांची पोस्ट असल्याचे या नेत्याने सांगितले.