मुंबई – महाराष्ट्राचे मुख्यमंत्री देवेंद्र फडणवीस यांच्या मंत्रिमंडळामध्ये परभणीतील जिंतूर विधानसभा मतदारसंघाच्या भाजपच्या आमदार मेघना बोर्डीकर साकोरे यांना मंत्रिपद मिळणार आहे. मेघना बोर्डीकर या मंत्री होणार असल्यामुळे त्यांच्यावर शुभेच्छांचा वर्षाव होत आहे.
मेघना बोर्डीकर स्वतः पर्यावरणवादी आहेत आणि त्यांना वृक्षारोपणाचा प्रचंड छंद आहे. पर्यावरण संवर्धन आणि जलसंवर्धनासाठी त्यांच्या योगदानामुळे लोकं त्यांना ‘जल मित्र’ म्हणतात. त्यांच्याकडे एक मजबूत आवाज आणि मजबूत इच्छा आहे; राजकारण हे समाजाच्या गरजांसाठी हा आवाज पोहोचवण्याचे व्यासपीठ आहे. त्यांचे असे मत आहे की- “राजनीती जनसेवा का एक मध्यम है, और मै सददेव जनसेवा के लिए प्रतिभा राहूंगी”
मेघना बोर्डीकर-साकोरे या राजकीय पार्श्वभूमीतून आलेल्या आहेत. त्यांचे वडील रामप्रसाद बोर्डीकर देखील विधानसभेचे सदस्य असल्याने त्यांना या क्षेत्राशी योग्य संपर्क होता. राजकारण हा त्यांचा करिअरचा मूळ पर्याय नव्हता. लोकांची सेवा करण्याची त्यांची इच्छाशक्ती आणि राजकारणाची सखोल जाण यामुळे त्या राजकारणाच्या क्षेत्रात ओढल्या गेल्या.
स्थानिक स्वराज्य संस्थांच्या निवडणुका लढवून त्यांनी आपल्या राजकीय कारकिर्दीला सुरुवात केली आणि जिल्हा परिषदेच्या गटनेत्या म्हणून त्यांची निवड झाली. त्यांचे पती दीपक साकोरे हे आयपीएस अधिकारी आहेत. त्यांच्यासाठी खरे आधारस्तंभ आहेत. मेघना बोर्डीकर साकोरे या आपल्या दोन मुलांसह राजकीय कारकिर्दीचा समतोल साधतात