नवी दिल्ली – काँग्रेसला संपवण्यासाठी सोनिया आणि राहुल यांच्यावर नॅशनल हेराल्ड प्रकरण लादण्यात आले,काँग्रेसचे अध्यक्ष मल्लिकार्जुन खरगे यांनी रविवारी केंद्र सरकारवर काँग्रेसच्या वरिष्ठ नेत्यां सोनिया गांधी आणि राहुल गांधी यांच्याविरुद्ध नॅशनल हेराल्ड खटला लादून काँग्रेसला संपवण्याचा प्रयत्न केल्याचा आरोप केला.
बिहारमधील बक्सर येथे पक्षाच्या ‘जय बापू, जय भीम, जय संविधान’ रॅलीत, खरगे यांनी गांधी कुटुंबाला देशभक्त म्हणून समर्थन दिले आणि स्वातंत्र्यलढ्यातील त्यांच्या भूमिकेवरून संघावर निशाणा साधला.
“तुम्ही आरएसएस किंवा भाजपमधील कोणी देशासाठी आपले प्राण अर्पण केल्याचे ऐकले आहे का? खरं तर, (नथुराम) गोडसेने महात्मा गांधींच्या शरीरात गोळ्या झाडल्या. आरएसएस ब्रिटिश एजंट होता… जिसके घर मे एक कुट्टा भी नहीं मारा, तुम देश की स्वाभिमान की बात करते हो (त्यांच्या घरात एक कुत्राही मेला नाही, आणि ते आता राष्ट्रीय अभिमानाबद्दल बोलत आहेत),” असे ते म्हणाले.