पंतप्रधान मोदींनी G-20 मधील मंत्री आणि सर्व अधिकाऱ्यांचे आभार मानले.
नवी दिल्ली : दिल्लीतील प्रगती मैदानावर G-20 शिखर परिषद सुरू आहे. परिषदेच्या पहिल्या दिवशी शनिवारी ९ सप्टेंबर रोजी नवी दिल्लीत G-20 संयुक्त घोषणा मंजूर करण्यात आली. शिखर परिषदेच्या दुसऱ्या सत्रात याची घोषणा करताना पंतप्रधान मोदींनी G-20 मधील मंत्री आणि सर्व अधिकाऱ्यांचे आभार मानले.
पंतप्रधान नरेंद्र मोदी म्हणाले, “एक आनंदाची बातमी मिळाली आहे की ,आमच्या टीमच्या कठोर परिश्रमामुळे आणि तुमच्या सर्वांच्या सहकार्यामुळे, G-20 लीडर्स समिटच्या घोषणेवर एक करार झाला आहे. मी प्रस्तावित करतो की नेत्यांची घोषणा देखील स्वीकारली पाहिजे. मी देखील या घोषणेचे समर्थन करतो.
घोषणा मंजूर झाल्यानंतर, G-20 शेरपा अमिताभ कांत यांनी ट्विटरवर एक पोस्ट केली. नवी दिल्लीत G20 घोषणापत्र मजबूत, टीकाऊ, संतुलित आणि समावेशी विकासमध्ये तेजी आणणे. सतत विकासासाठी समझौता, “२१ व्या शतकासाठी बहुपक्षीय संस्था आणि बहुपक्षीयतेचे पुनरुज्जीवन करण्यावर लक्ष केंद्रित करते.
यादरम्यान, पीएम मोदींनी ग्लोबल बायोफ्यूल अलायन्सची घोषणाही केली. पंतप्रधान मोदींनी G20 शिखर परिषदेत सांगितले की, आम्ही जागतिक जैवइंधन युती तयार करत आहोत आणि भारत तुम्हा सर्वांना या उपक्रमात सामील होण्यासाठी आमंत्रित करतो. पेट्रोलमध्ये इथेनॉलचे मिश्रण २० टक्क्यांपर्यंत नेण्यासाठी भारताने जागतिक पुढाकार प्रस्तावित केला आहे.
मोदी म्हणाले की, भारताने ‘पर्यावरण आणि हवामान निरीक्षणासाठी G-20 उपग्रह मिशन’ लाँच करण्याचा प्रस्ताव ठेवला आहे. मी प्रस्तावित करतो की G-20 देशांनी ‘ग्रीन क्रेडिट इनिशिएटिव्ह’ वर काम सुरू करावे. विकसित देश यामध्ये खूप महत्त्वाची भूमिका बजावू शकतात